AF268: 77r

begler begisi Aḥmed Paşayı ki Mıṣır ḥākimi iken iẓhār‑i ḫiyānet ėdüb maqtūl olmışdur ḥıfẓ‑i esrāra iqtidārı olmaduġı cihetden // Edirne muḥāfaẓatı bahānesiyle ol ṭarafa revāne eylediler zücāc‑i mizācumuñ [?] inkisārı qābil‑i cebr ü ʿilāc olmaduġı cihetden // bāzār‑i pür‑āzār marażda metāʿiyi intifāʿ‑i ʿilāc‑i revāy‑peẕīr olmayub ifāde‑i ġaraż ve izāleʾi ʿarż ėtmeyicek ol ḫarc‑i // ʿaẓīmüñ duhātı bāz olmaġla merhem quṭıları beste ve dest‑i ümīd‑i muʿālicin şikeste olub ṭūṭī‑yi rūḥ‑i pür‑fütūḥları // ol raḫne‑i qafes cimsden ki ṭılsım‑i gencīne‑i ḥayāt idi ʿālim bālāya pervāz ėtmege āġāz ėdüb sene‑i mezbūre // Şevvālinüñ leyle‑i tisʿesinde bu ḫāk‑dān‑i pür‑ālāmdan ravżā‑i dārü s‑selām ṣuyına ḥırām [!] eyledi beyt // Bāġ‑i dehrüñ ṭarafa ḥāli vardur • Sebeb‑i [...] ve enārī nārdur • // Anda bāqī qalmamışdur bir aḥad • Herkesüñ āḫir maqāmıdur laḥad •
ẕikr‑i tafṣīl‑i riḥlet ān [?] şāh müddet‑i marażlarında vālid‑i merḥūm şeref‑i ḫidmetlerinden bir ān maḥrūm olmayub gėceler // ṣabāḥlara dek şemʿ‑i sūz‑i derūnla qarşularında ṭurur idi ve ḫidmetden ferāġ ferḥatinde emr‑i ʿālīleri ile // pisterleri yanında oturub gāh mübārek elleri elinda ve gāh qadem‑i şerīfleri zānūsında idi ve cerrāḥlar ʿilāca // mübāşeret ėtdükleri hengāmda döşine astenler [?] ve gāh cerrāḥlar ṣınfına naẓar ėdüb aña iʿtimād buyururlardı // ve tilāvet ü telqīn levāzımını andan ġayri bir aḥad edā ėtmemişdür ve nefs‑i āḫirlerine dek bir nefs‑i ḥużūrlarından gitmemişdür // ḥattā merḥūm eyidür idi ki ḥālet‑i iḥtiżārda bu ḥaqīre ḫiṭāb ėdüb buyurdılar ki Ḥasan Cān ne ḥāldür ben // bendeleri eyitdüm ki sulṭānum cenāb‑i ḥaqqa teveccüh ėdüb Allāhla olacaq zemāndur buyurdılar ki bizi bunca zemāndan berü // bunca zemāndan berü kimüñle bilür idüñ cenāb‑i ḥaqqa teveccühümüzde quṣūr mı fehm ėtdüñ ben daḫı eyitdüm ki ḫāşā [!] ki bir zemān // ẕikr‑i raḥmāndan ġufūl‑i müşāhede ėtmiş olam lākin bu zemān ġayri ezmāna beñzemedügi cihetden iḫtiyāṭan [!] // cesāret eyledüm bir laḥẓa ṣoñra sūre‑i yasin tilāvet eyle dėyü fermān buyurdılar emr‑i hümāyūnları mūcebi üzre // bir kerre ḫatm‑i yasin ėtdüm [...] tilāvet buyurdılar kerre‑i s̱ānīyede salāmun qawlan min rabbin raḥīm āyetine geldükde gördüm ki // şeffe‑i şerīfleri āyet‑i mezbūra tilāveti ile ḥareket ėder ve ol ḥīnde müsebbiḥe‑i yemīnlerin dirāz ėdüb // baqīye‑i aṣābiʿ müteberrikelerin żamm buyurub beyt gözin yumdı temāşā‑yi cihāndan ferāġat buldı // ġavġā‑yi zemāndan yed‑i müʾeyyidleri elümde olub sāʿid‑i şerīflerin mess ü nabżların ḥiss ėtmişdüm süqūṭ‑i // nabża vāqıf olıcaq ol ḥīnde lāzım olan ḫidmātı araya şürūʿ ėtdüm reʾisü l‑eṭibbā Aḫī Celebi ḥāżır